Posted by: tofah | اغسطس 6, 2008

رحلتي لقرية القطان في الشعيبة ( بحر مكة ) بالصور

صباحكم/ مساءكم خير

اهل مكة أكيد كلكم تعرفوا بحر الشعيبة ( بحر مكة ) ..
و اللي مو من مكة أكيد انو سمع بيه قبل كدا …

الموهم ..

هناك في مكان زي الكباين اسمو قرية القطان ..

المكان هناك مرررررررررررررة رووووعة و ممتاز لقضاء إجازة ممتعة .. و حتخرجوا من هناك معاكم ذكريات جميلة …

أحلى مافي المكان نظافة البحر هناك … لكن مرة ما انصحكم تعتمدوا على أطعمتهم و محلاتهم هناك لانو اسعارها غالية و الاطعمة صراحة أي كلام مو مرة كويسة ..

لكن المكان مرة مريح و هاديء و نحنا لمن رحنا هناك مالقينا أي شي يعكر مزاجنا بالعكس نبغى نروح تاني …

جلسنا يوم و نص ..

إيجار الفيلا هناك ب 700 ريال للدور الارضي و 900 للدور العلوي في الليلة الوحدة طبعا

و يرتفع أكيد السعر في الإجازات … مابدي أصد نفسيتكم عن الروحة هناك >_<

من الشاطيء للسقالة ارتفاع الموية لنص الساق بس …

لمن توصلوا لما بعد السقالة هناك حتلاقوا مكان فيلو الموية مرة عميقة و داك المكان للغوص ..
و في كمان مكان خاص للصغار محوط بحواجز طبعا الحواجز كلها مغطاة بالطحالب عاد لمن تروحوا انتبهوا لا تتزحلوا و تطيحوا …

طبعا لقطتلكم كم صورة للمكان هناك …
وان شاء الله لمن نروح تاني حاجيبلكم صور تانية …

و الاولاد اكيد يعرفوا مكان البحر دا فين بالزبط ياليت اللي يعرف يدخل يكتب وصف دقيق صراحة انا ما اعرف خريطة الموقع لكن اعرف الموقع بس &_&


هادي الصور …

مدخل السقالة

ممر السقالة و تلاحظوا محلات .. لـــ بدل الغوص و الالعاب و كافتيريا اخر السقالة …

منظر للأسماك كانت تحت ممر السقالة و أنا صورتها من فوق الممر ..


منظر للمكان جنب الفيلا اللي كنا فيها …

الشاطيء ..

دي منطقة للصيد و انا صورتها من السقالة … ( ماشاء الله كاميرة خالي لها زوووم مرة ممتاز لانو منطقة الصيد بعيدة عن السقالة … )

دي المنطقة قدام منطقة الغوص مباشرة انا و بنت خالي سوينا مغامرة و جلسنا على الكرسيين دول انصح ضعاف القلوب مايجربوا دي الحركة لانو المكان هناك مرة خطر :)


رحلة سعيدة ….

أرسلت فى يوميات

«
»

الردود

  1. يعطيك العافيه ياوردة العشاق الصور مرررررررره حلوه بس ياريت ترسلولنا مقاطع فيديو عن الفلل وعن السقاله وعن البحر واذا كان في صيد للاسماك

    By: ابو وليد on اغسطس 17, 2008
    at 4:39

    رد

  2. تصدقون من أجمل ما شفته من السياحه في السعوديه (قريه القطان)

    وأنصح العائله الزياره لهذه القريه بدلا من السياحه في الخارج

    By: فالح on اغسطس 19, 2008
    at 4:39

    رد

  3. الله يعافيك ابو وليد دا اللي قدرت اجيبو للأسف كاميرا الفيديو اللي كانت معانا طاحت في البحر و انخربت :(

    ان شاء الله مرة تانية لو رحنا ممكن اقدملكم تقرير مفصل اكتر ..

    فالح ..

    ايوة انصح انا كمان بزيارة القرية و كمان فيها ميزة حلوة انو المصخرة الموجودة في كباين جدة ماهي موجودة في دي الكباين :)

    تسلموا على المرور و التعليق شباب :)

    مع محبتي …. تووفه

    By: tofah on اغسطس 28, 2008
    at 4:39

    رد

  4. أهليـــــــــــــــــن .. ثانكس عالصور .. و أنا والله إني اليوم رجعت من الشعيبة شوفوا ( الصدفة ) .. عشان كذه قلت خليني أكتب في قوقل يمكن ألاقي شي .. ههههههههه
    و أكيــــــــــــــــد الأسعار الآن مرتفعة مررررررررررة ..

    تحياتي : دلــع & وشفايفي & ولــع

    By: دلـــع & وشفايفي & ولـــع on اغسطس 29, 2008
    at 4:39

    رد

  5. انت عندك شوية أخطء وصفية واحد البحر في الفترة الاخيرة اللي هي
    قبل رمضان ب تقريبا 2 يوم قبل رمضان الجو كان سئ للغاية والفلل كانت مستوى التكييف سئ جدا والحممات الله يكرمك كانت ما هي تصميمها قديم جدا جدا جدا والسقالة طبعا بعيدة جدا جدا جدا جدا عن بعض الفلل يعني نحن كنا نرو با ابسيارة جمس عشان الزحمة وكنت أنا أسوق وتعامل بعض الموظفين سئ جدا جدا جدا جدا والمفروض يحطو سيارات الغولف الكبيرة ب 2 أو 3 أيام عشان تنقل الناس الى مثلا القالة أو الدكان أو الملعب أو مكتب التسجيل أو السقالة والنظافة لاسرة النوم وشكرا على التعليق الطويل جدا

    By: عاشق القطان on سبتمبر 4, 2008
    at 4:39

    رد

  6. heeeeeey
    how r u every body
    انا بنوتة طفشانة من جدة
    بصراحة احنا ما كنا نعرف قرية القطان هادي بس واحد من ارحامنا كان يعرفها قلنا عليها وكمان قلنا انو في معانا عشرة عوايل من اهلنا … بصراحة انا ما كنت ابغى اروح لانو اسمها مررررة ما يشجع الواحد انو يروح ولا موقها بس اللي شجعني انو في اهليتنا كلهم … تبغو الصراحة … هيه مرة ما عجبتني … عشان السقالة مرة بعيدة تكسر الرجل … وهما حاطينها عند المدخل يعني مرررة مرررة بعيدة … لمن دخلنا الفيلا … طبعا احنا اخدنا اكبر فيلا … اخر وحدة … كلنا انكتمنا من الغبرة والكتمة … يعني المفروض قبل ما نجي ينضفوهاا مرة كويس … خصوصا انو احنا حجزنا من زمان … الحمامات الله يكرمكم جدا سيئة … الغرف والشراشف جدا وسخة … احنا ارسلنا السواق يجيب شراشف من البيت … السقالة … السقالة مررررة زفت الارض معدومة والكراسي قليلة ومافي خدمات كويسة… البحر … البحر مرة وسخ كانو مستنقع راكد والمكان النضيف بفلوس … اول مرة اشوف ناس ياخدو مننا فلوس عشان نسبح في بحر الله … الخلاصة … ما انصح احد يروحهااا ابدا …..!!!!!!
    باااااااااي

    By: Oo_BaNOoTa.6fsHaNA_oO on سبتمبر 4, 2008
    at 4:39

    رد

  7. المطعم كان مسوي رز سليق خرى عبي مرررة وقلك أسماك طازجة غباء خرىىىىىىىىىىىىى

    By: mrrmr on سبتمبر 4, 2008
    at 4:39

    رد

  8. اهلا بيكم :)

    دلع مشكورة على المرور و المشاركة :) ..

    بالنسبة لاهل جدة البنوتة و عاشق ..

    انا لمن رحت كان كل شي تمام يمكن صح السقالة ممكن تكون بعيدة شويا عن الفلل التانية نحنا دايما كنا ناخد الفيلا اللي في الوسط ..

    لكن بالنسبة للنظافة و الاسرة صراحة ماشفت شي من دا كلو هناك .. غريبة انتوا صارلكم زي كدا شكلكم رحتوا في دي الاجازة .. انا مارحت القطان في الاجازة انا رحتها قبل الاختبارات النهائية وصورت الصور دي … و اللي طلب مني انزلها كموضوع وحدة من صديقاتي ..

    يمكن في الاجازة الوضع اتكركب شويا ..

    وحتى البحر كان نظيف و الصور دي اللي انتي شايفتها من هناك مو من مكان تاني .. و الموج مرة حلو و ما اخدو مننا فلوس ولا شي <<< شكلو في احد ضحك عليكم ..

    و حتى رحتها بعد كدا بفترة و كان وقتها زحمة و مادخلونا حسب موعد الحجز لانو في ناس كانو موجودين في الفيلا و جلسو بعدها ساعة كمان عشان ينظفولنا هيا ..

    و دخلنا كل شي نظيف من غرف من شراشف سرير و من حمامات الله يكرمكم و المكيفات كمان شغالة تمام … .. غريبة و الله انو سوو معاكم زي كدا ..!!!!
    وبعدين ماكان في غبرة و لا شي ممكن الوقت اللي رحتو في كان فيلو هوا قوي جاب الرمال عند الفلل و بهدل الدنيا ..

    و السقالة والله لمن رحنا نحنا كانت تمام و زي اللي في الصور .. و حتى الكراسي كانت موجودة .. ان ماخاب ظني الدربكة دي كلها مع الزحمة .. غريبة و الله !!!

    الاخ اللي الفاظو زي وجهو انا قلت اكلهم مو كويس لا تعتمدوا عليهم …:)

    تبغوا الصراحة رحلة لهناك تكلفنا كتير دايما لاننها نروح اكلنا معانا من دجاج و لحم و سمك و موية و مشروبات و نشيل مخداتنا وشراشفنا معانا لانو حتى لو كانت نظيفة نحنا نقرف من استخدام حاجات مستخدمة من ناس تانين :)

    دمتم سالمين و حاولو تروحوا القرية في وقت تاني و ان شاء الله تلاقوها زي ما انا لقيتها …

    By: tofah on سبتمبر 4, 2008
    at 4:39

    رد

  9. امممم
    هاااي …دا الكلام لـــ tofah احنا كمان رحنا اظن من زمان في وقت مارحتي وكان كل شي كويس ونضيف بس بعدين المرة التانية علقو ورقة وكتبو فيها السباحة في البحر الكبار 10 ريال والصغار5 ريال يعني محد ضحك علينا كل الناس دفعو احنا كمان استغربنا عشان السقاله سارت ارضها مقشرة مرررة ومعدومة والبحر كان ناشف وكمان حاطين مخرج الصرف الصحي على البحر حى اذا رحتي تشوفي انو الشاطئ من ورا سار مررررة اسود وريحتو عفففة وما كان زحمة ولاشي اذا رحتي تاني مرة حتشوفي … يلا سلام… امممم.. انبسطت انك رديتي عليا .. اشوفك ردك على خير

    By: Oo_BaNOoTa.6fsHaNA_oO on سبتمبر 14, 2008
    at 4:39

    رد

  10. واااااااااي ايش دا

    على كدا مرررررررة انعدمت >__<

    بنووتة اسعدني تواجدك في مدونتي كتير و رجوعك مرة تانية لمشاركتي صفحتي :)

    يسعدك ربي …

    مع محبتي …. تووفه

    By: tofah on سبتمبر 15, 2008
    at 4:39

    رد

  11. تووفه مرة شكرا انك رديتي عليا
    والله مرة مبسوطة اني عرفت وحدة زيك
    ان شالله اذا رحنا القطان تاني<<<ما اظن انو في تاني
    اشوفك هناك …
    يلا سلملم..

    By: Oo_BaNOoTa.6fsHaNA_oO on سبتمبر 18, 2008
    at 4:39

    رد

  12. هاي كيفكم طيبيننننننن ؟؟؟ أنا رحت القطان أول مرررة كانت تجنن وحلوة ونبسطنااا ودحين سار شي عفن

    By: so0o0o0sah on سبتمبر 18, 2008
    at 4:39

    رد

  13. هااااي انا رحت القطان ومرة هي عفن كان الجو سيئ وكانت السقالة بعععععععععيدة جدا يمكن نستغرق ساعة كاملة اوكتر والبحر كان عفنننننننننن وصخ وصاخة وكل شوية المكيفات تخرببببببب كل يوم ياخدهاوصليحوهاوكان الجو واللأسرة عفن وريحتها عفنة بس احنا الحمد الله جبنا معنا أغطيت اسره
    والحمامات الله يكرمكم مافيها سفون وريحه والله تعبنا

    By: so0o0o0sah on سبتمبر 18, 2008
    at 4:39

    رد

  14. بنووتة :)

    اسعددني تواجدك … هههههههههههههههههههه وشكلي زيك بعد كل اللي سمعتوا دحين شكلي حاسوي تحذير و اقول لحد يروح هناك غير لممممممممممن يتاكد انهم زبطو المكان أو لأ ..

    سوووسه :)

    انتي زيهم .. لكن لا تلوموني والله فترة عن القطان منكم بس عرفت المستجدات دي …

    ان شاء الله يعدلوها و تصير احسن من اول .. لو ما اتعدلت شكلي حأسأل عن قرية النخيل قريت اعلان عنها في الجريدة
    و من الاعلان باين انها كويسة لكن برضو ممكن الواحد ينخدع بيها زي القطان ..

    لو جاني خبر ان شاء الله احطو هنا في مدونتي :)

    تابعوووني هنا … http://tofah.wordpress.com/

    ورمضان كريم …

    مع محبتي … وروودة

    By: tofah on سبتمبر 19, 2008
    at 4:39

    رد

  15. هاي كيفيك كيف العيد معاكي ممكن إيميلي عشان ابى اتعرف عليكي

    By: so0o0o0sah on أكتوبر 6, 2008
    at 4:39

    رد

  16. هايي سوسة سوري مرة كنت مشغولة بتجهيزات العيد و الجامعة >_<

    الحمد لله انا كويسة :)

    بالنسبة للايميل اسفة يا قمر مقدر اديكي هوا &_& << أوامر خارجية صارمة اني ما اعطي ايميلي لاي احد

    اسعدني تواجدك .. و اهلا بيكي اخت غالية و عزيزة هنا :)

    مع محبتي …. وروودة

    By: tofah on أكتوبر 16, 2008
    at 4:39

    رد

  17. طيب شكراااا

    By: so0o0o0sah on أكتوبر 25, 2008
    at 4:39

    رد

  18. سلان توفا يف الحال انشاء الله بخير اول شئ احب اعقب على كلام الاخت سوووووووووووووسة انا ماني داري ايش لزمة ال oooooooooooooooooo المهم اخطاء املائية فاضحة جدااااااااااااااا والقرية امكن عشان انتو اخدتوفله بعييييييييييييدة وما كانت نظيفة

    By: كلاشنكوف on ديسمبر 2, 2008
    at 4:39

    رد

  19. الاخت سارة راجعي الاخطاء الاملائية

    By: كلاشنكوف on ديسمبر 5, 2008
    at 4:39

    رد

  20. أقول حسبي الله عليهم والاسعار الليله 900وليتها تسوى ؟؟؟؟
    كلها غرف حقت عمال!!!
    مسوين فيها مداخل خمسه نجوم وهي مداخل حقين عمال
    {{{{بلديه}}}}}
    أرجوا توصل إلى القطان 00000براسه
    رايحلها عام
    1/12/1429هـــــ

    By: ال20003 on ديسمبر 13, 2008
    at 4:39

    رد

  21. سلام ياوردة العشاق ازيك عساكي تكوني بخير وكل من يعز عليكي باين لكم ما روحتو للقطان بعد هديك المره اشوفك مارسلتي لناصور اومقاطع فيديو عن القريه واتمنى ادا روحتو التاني مره للقطان تصوري لنا بالفيديو الفلل من ناحية الغرف والجلسات والاماكن الترفيهيه ادا كانت مو جوده والسقاله واماكن السباحه واماكن الصيد وتصوريلناصيد الاسماك ادا امكن بدون امر عليكي الله يسلمك من كل شر محبكم \سمعه

    By: ابو وليد on يناير 2, 2009
    at 4:39

    رد

  22. انا والله توي راجع من القطان قلت خليني ابحث في قوقل
    ههههههههه
    من جد حلوة بس اسعارهم كل شئ دبل
    اول يوم نومنا في المسجد لاننا كثيييير والسويت ما يكفينا
    هههههههههه
    اللي يروح القطان يروح قسم الجيل الحاضر سويت ستة و يشووف الذكريات المكتوبة خلف باب الحماااام

    ايااااااااااااااام حلوووووووة

    By: mesama on يناير 3, 2009
    at 4:39

    رد

  23. انا من عشاق الشعيبة وأمووووووت فيها
    وصراحة تغيرت كثير فلل القطان صارت حلوة من برى بس من جوة ماتغير شي
    اللي عجبني كثير نسبة العمالة السعودية زادت عندهم
    وعقبال مايخفظوا في الاسعار اللي تذبح السواح ذبح
    والف شكر على الصور الجميلة ياوردة العشاق مع اني تمنيت انك توثقي لنا الصور
    حقتك انتي وبنت خالك وقت ماجلستوا على الكرسيين ههههههههههه
    تحياتي للجميع

    By: رياض on فبراير 2, 2009
    at 4:39

    رد

  24. عجيييب والله حطاين صور للقطان بس قبل التغييرا ماشفتو كيف سارت دحين شي تاني

    بس طبعا مش هداك المستوى التوب لكن راضيين ماعلينا ^^

    احنا والقطان اصحااب من زمان وربي قد ماروحت من كباين في جدة ماتعجبني واحس انو بدي انكتم

    زي القطان مفيييش

    مشكورة يا ألبي عالصور

    By: naddosh on مارس 30, 2009
    at 4:39

    رد

  25. وربي مره مره مره مرررررررررره فله قريه القطان وربي انا امسس رجعت مٍنو ..
    انا زمان كنت احسسب الشعيبه قرف ومافي امان وكدآ. بس اقسم بربي اني لما دخلت دي القريه حسسيت بكل الامان وبكل الراحه .. يعني من جد اقدر اطلع بنص الليل واتمشى بسس اللي يقهرني هنااك ان الحريم يسبحون بالعبايات ههه
    وموعد السباحه هناك من العصر آللين المغرب .. بس الفله تبدآٍ من العصر لآن كل االناس يطلعون يسبحون ورقص واغاني وجنان بسسسس المؤسف ان الماركت اللي عندهم ااسعارهم ناااااااااااااااااااااااار :(
    ..آتمنى آني آروحو مره تآنيييييييييييييييه … :( :(

    آختكم ./ غــلآ

    By: .. بنت مكـه .. on أبريل 3, 2009
    at 4:39

    رد

  26. ارجوكم ياناس الله يسعدكم راح أدعيلكم والله بس تكفة أبغارقم قريةالقطان السياحية ضروري جدا الله يخليكم
    طلبتكم تكفة لا تفشلوني محتاجه بالمرة

    By: هيفاء خالد on يوليو 22, 2009
    at 4:39

    رد

  27. والصراحة القرية جنان لأبعد الحدود

    By: هيفاء خالد on يوليو 22, 2009
    at 4:39

    رد

  28. للاسف ما سنحتنا الفرصة بزيارتها بعد ذلك لعدة أسباب ::

    اول شي اسعارها .. و كمان اوقات تجمعاتنا العائلية غير متناسقة .. و غير عن كدا الناس اللي راحو بعد كدا قالو انها جدا اتغيرت و صارت مو حلوة @_@

    حأنزل في مدونتي قريبا ان شاء الله رحلة بحرية سويناها كانت خارج حدود قرية القطان .. بس بخيمتنا .. كانت احلى بكثيييييييييييير من الرحلة لقرية القطان :)

    ترقبوني

    By: tofah on اغسطس 3, 2009
    at 4:39

    رد

  29. ايوة بالنسبة للرقم يا هيفاء … مممممم هوا خالي اللي كان يحجزلنا بس زي ماقلتلك انصحك ماتروحي لانو اتغيرت القرية دحين ..

    ممكن بس اجيبلك هوا بعد ما اكلم خالي :)

    شكر لمرورك لمدونتي :)

    By: tofah on اغسطس 3, 2009
    at 4:39

    رد

  30. آنآ لسه قبل يومين جيت من هنآك آلحمدلله إنبسطنآ وكل شي آوكي بس آلسويت محتآآآآآآجة نظـــــآفة آلنظــآفة معدومة هنآك
    تآني شي آلسقــآلة مرة بعييييده مآنرجع من هنآك آلآ وفينآ شد عضلي هههههههههه بس ممدوح حق سيآرة آلقولف سوآ فيينآ خير كآن يودينآ ويرجعنآ بس مشآءلله وربي تغيرت عن زمآن صــآرت حلوة ع آلآقل مآفيهآ آلصيآعة وآلقرف آللي نشوفو بجدهـ
    آنصح آلكل يروحهــــآ وآللي يسب مآعليكم منه مدلعيييين بس آهم شي كل وآحد يآخذ شرآشف للسرير وآلآكل معآه
    تحـــيـــــــآتي لكم :)

    By: شوشـــآ on سبتمبر 30, 2009
    at 4:39

    رد

  31. مشكورة كنت صراحة ادور عليها في النت صور أو اي شي لأني ناوي اروحلها وحلو اخذت فكرة عنها
    والله يعطيك العافية

    By: أبوفيصل on أكتوبر 30, 2009
    at 4:39

    رد


اترك رداً






ردك:

التصنيفات